الست فضة

الست فضة
ضحكتها فضة
والنظرة فضة
والكلمة فضة
والبسمة فضة
والشعر لما شاب بقى فضة
سنتها لما وقعت ركبت فضة
فستانها لما كانت شابة كان فضة
خلخالها ف الرجل كان فضة
شبكتها من زمان كانت فضة
والوش ابيض كأنه فضة
والعين كحيلة بالفضة
والقلب ملياه طيبة من الفضة
الست فضة دموعها سيلة
تصدقوا قلبى وقع من الخضة
بتقول عيالى..........
قلت لها مالهم ............
قالت اللى شهيدواللى سجين
وتاه واللى انتحر من القهر
واللى انكسر قلمه واللى اتحرقت ضحكته
واللى على خده حفرت دمعته
واللى الخيانة كلته
واللى الحكومه بعته
واللى الرصاصة صبته
واللى انحرم من ابن بينور دنيته
واللى ساب كتاب من بعده ما انقلبت صفحته
واللى دمه سال على عمته
واللى ف اليمين سبتت دبلته
واللى اغتلوه من قوة كلمته
واللى اشتروه بالمال عشان يضلل امته
واللى اتسرقت ثورته
والقلب القماش والكتشى اللى باش
م اللف ف الميادين
سالت دموع فضة
وقمت انا رده ....................
افهموا بقى الحكاية
ركزوا شوية معايا
ان فضة تبقى مصر
ومصر هى فضة
عرفتوا ليه الخضة
يا شعب باع فضة